बालुवाटारस्थित ललिता निवास जग्गा प्रकरणका मुख्य अभियुक्त रामकुमार सुवेदी र उनकी श्रीमती माधवीलाई पाँच दिन थुनामा राखेर अनुसन्धान गर्न काठमाडौं जिल्ला अदालतले आदेश दिएको छ ।
न्यायाधीश विश्वनाथ भट्टराईको इजलासले सुवेदी दम्पतीलाई हिरासतमा राखेर अनुसन्धान गर्न आदेश दिएको हो । दुवै जनालाई पाँच दिन थुनामा राखेर अनुसन्धान गर्नका लागि आदेश भएको अदालतका सूचना अधिकारी दीपक दाहाल बताए ।
ललिता निवास जग्गा प्रकरणमा बिचौलियाको भूमिका निभाएका सुवेदी दम्पतीलाई प्रहरीको केन्द्रीय अनुसन्धान ब्यूरो (सीआईबी) ले गएराति स्वयम्भूबाट पक्राउ गरेको थियो ।
ललिता निवासको सरकारी जग्गा हिनामिना प्रकरणमा तत्कालीन भोगाधिकारी सुवर्णशम्शेर परिवार नातेदारसँग मिलेर सरकारी जग्गा हत्याउन रामकुमार बिचौलियाको भूमिकामा रहेको सिआईबीको अनुसन्धानबाट खुलेको छ ।
२०४९, २०६२, २०६६/६७ र २०६९ गरी चारवटा सरकारका पालामा उच्चपदस्थ राजनीतिक व्यक्ति, कर्मचारी, मन्त्रालयका सचिव, मालपोत अधिकृत र अन्य भूमाफियासँग मिलेर १३६ रोपनीभन्दा बढी जग्गा हडपिएको अनुसन्धानबाट पुष्टि भएपछि सुवेदी दम्पती फरार थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।