कृषि विकास बैंक कानुन विभागमा कार्यरत कानुन अधिकृत झम्क तिमल्सिनाकाे उपन्यास ‘अन्धकूप’ सार्वजनिक भएकाे छ ।
शनिबार राजधानीमा आयाेजित कार्यक्रममा साहित्यकार माया ठकुरीले उपन्यासकाे लाेकार्पण गरेकी हुन् ।
उपन्यासले अन्धकारभित्र उज्यालोको खोजी गरेको छ ।
लोकार्पण कार्यक्रमलाई सम्बोधन गर्दै कथाकार ठकुरीले आजको युवा पुस्ताको दिमाग झक्झक्याउने कृतिका रूपमा ‘अन्धकूप’ पाठकमाझ आएको बताइन् ।
कृषि विकास बैंकका प्रमुख कार्यकारी अधिकृत अनिलकुमार उपाध्यायले विगतदेखि नै शैलेन्द्र साकार, कृष्ण धरावासी, शक्तिवल्लभ, अनिल पौडेलजस्ता बैंकिङ क्षेत्रमा काम गर्ने साहित्यकारले नेपाली साहित्यमा महत्वपूर्ण भूमिका निर्वाह गरेको बताए ।
नयाँ धारको उपन्यास लेख्ने आँट लेखकले गरेर पाठकलाई फरक स्वाद दिएको समालोचक महेश पौडेलकाे भनाइ छ ।
उपन्यास पैरवी बुक हाउस प्रालिले प्रकाशन गरेकाे हाे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।