भारतको नयाँ दिल्लीका मुख्यमन्त्री अरविन्द केजरीवालले आइतबार सामाजिक सञ्जालमा आफूलाई कोरोना ठिक भएको जानकारी दिएका छन् । उनले ७–८ दिन आफू होमआइसोलेसनमा बसेको र दुई दिन ज्वरो आएको पनि जानकारी दिएका छन् ।
अब आफू ठिक भएको र जनताको सेवामा उपस्थित भएको उनले बताएका छन् । ‘दिल्लीमा कोरोनाको फैलावट तीव्रताका साथ भएको र यसका कारण आफू चिन्तित भएको अनि सबै अधिकृतहरूको सम्पर्कमा आएको पनि उनले बताएका छन्,’ उनले भनेका छन्, ‘आत्तिनु पर्ने जरुरत छैन । हामीले लकडाउन लगाउने कुनै योजना बनाएका छैनौँ । हामी सकेसम्म कम प्रतिबन्धहरु लगाएर अगाडि बढ्ने योजनामा छौँ ।’
पछिल्ला दिन भारतमा कोरोनाको नयाँ भेरियन्ट ओमिक्रोनका संक्रमित भेटिने क्रम बढ्दो छ । केही दिन यता भारतमा एकैदिन एक लाखभन्दा बढी संक्रमित थपिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।