नेपाली कांग्रेसको केन्द्रीय कार्यसम्पादन समितिको बैठकअघि डा. शेखर कोइराला समूहले छुट्टै छलफल गरेको छ । कोइरालाले बालुवाटारस्थित आफ्नो सम्पर्क कार्यालयमा छुट्टै छलफलका लागि नेताहरूलाई बोलाएका हुन् ।
कार्यसम्पादन समिति बैठकका लागि रणनीति तय गर्न कोइरालाले आफू पक्षीय पदाधिकारीसँग छलफल गरेका हुन् । कोइरालाले बोलाएको छलफलमा उपसभापति धनराज गुरुङ, महामन्त्री गगन थापा, चन्द्र भण्डारी, मिनेन्द्र रिजाललगायत उपस्थित रहेको बताइएको छ ।
स्थानीय तहको निर्वाचन, अमेरिकी सहयोग परियोजना एमसीसीका साथै पछिल्लो राजनीतिक घटना क्रमबारे कोइरालाले आफ्नो समूहका नेताहरूसँग छलफल गरेका हुन् ।
कोइरालाले मंगलबार बेलुका प्रमुख प्रतिपक्षी दल नेकपा एमालेका अध्यक्ष केपी ओलीसँग समेत भेटेका थिए । भेटमा उनीहरूबीच एमसिसी, संसदको अवरोध र स्थानीय तह निर्वाचनका बारेमा छलफल भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
