‘द ग्रेट खली’ भनेर चिनिने दलीप सिंह राणा भारतीय जनता पार्टी (भाजपा) प्रवेश गरेका छन्।
एक दशक डब्लुडब्लुई अर्थात् वर्ल्ड रेस्लिङ इन्टरटेनमेन्टमा बिताएपछि खलीले भाजपा प्रवेश गरेका हुन् । उनले डब्लुडब्लुडब्लुईबाट भने सन्यास लिइसकेका छन् ।
भाजपामा प्रवेश गरेपछि खलीले भने, ‘भाजपामा सामेल हुन पाउँदा खुसी छु । मलाई लाग्छ कि प्रधानमन्त्री मोदीले देशको लागि गरेको कामले उहाँलाई सही प्रधानमन्त्री बनाउँछ । त्यसैले देशको विकासका लागि म पनि उहाँको शासनको हिस्सा किन नबन्नु भन्ने सोचेँ । भाजपाको राष्ट्रिय नीतिबाट प्रभावित भएर म पार्टीमा आबद्ध भएकाे हुँ ।’
खलीले कुस्ती सिकाउन जालन्धरमा एकेडेमी पनि खोलेका छन् ।
साढे सात फिट लम्बाई र दुई सय किलो तौल भएका ग्रेट खली रियालिटी साे बिग बोसमा पनि सहभागी भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
