प्रधानसेनापति प्रभुराम शर्माले कञ्चनपुर महेन्द्रनगरमा निर्माणाधीन होल्डिङ सेन्टरको निरीक्षण गरेका छन् ।
शर्माले शुक्रबार बिहान सेनाको श्री नम्बर २५ बाहिनी नजिकै निर्माणाधीन होल्डिङ सेन्टरको निरीक्षण गरेका हुन् ।
प्रधानसेनापति शर्मासँगै रक्षा मन्त्रालयका सचिव किरण शर्मा, प्रमुख जिल्ला अधिकारी रामप्रसाद पाण्डेय लगायत होल्डिङ सेन्टरको निरीक्षणमा पुगेका थिए ।
फरक खालका सामानहरू प्रयोग गर्दा आर्थिक रूपमा प्रश्न उठ्न सक्ने बताउँदै शर्माले निर्माण कार्य समयमै सम्पन्न गर्न निर्माण कम्पनीलाई निर्देशन दिए ।
होल्डिङ सेन्टर निर्माणको ठेक्का पाएको हनुमान कन्स्ट्रक्सनका प्रमुख गोकर्ण न्यौपानेले काम तोकिएको समयमै सम्पन्न हुने बताए ।
महेन्द्रनगर सालघारी क्षेत्रमा १ हजार बेड क्षमताका २० वटा ठूला बेडसहितका संरचना, ५० बेड क्षमताका दुई संरचना स्वास्थ्यकर्मीका लागि, २२ वटा शौचालय र १५ भान्सालगायतका संरचना निर्माण भइरहेका छन् ।
हाेल्डिङ सेन्टर निर्माणका लागि २९ करोड २५ लाखमा ठेक्का सम्झौता गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।