नेकपा (माओवादी केन्द्र)का नेता रामनारायण बिडारीले वर्तमान गठबन्धन पनि कायम हुने र एमसिसी पनि पारित हुने दाबी गरेका छन् । आज (शनिबार) राजधानीम एक कार्यक्रममा बोल्दै नेता बिडारीले एमसीसी परिमार्जनसहित संसदबाट अनुमोदन हुने बताएका हुन् ।
‘एमसिसी संशोधनसहित पारित गर्नुपर्छ । भविष्यमा अमेरिकाले बनाउने र लिने नीति मान्छु भन्ने कुरा राख्नुहुँदैन,’ उनले भने, ‘यसमा व्याख्यात्मक टिप्पणी हुनुपर्छ । यो व्याख्या नेपाली संसदले गर्नुपर्छ ।’
उनले आफ्नो पार्टीले यथास्थितिमा एमसिसीको पक्षमा मतदान नगर्ने स्पष्ट पारेका छन् । उनले भने, ‘अहिलेको अवस्थामा हाम्रो पार्टीले यसको पक्षमा मत हाल्दैन । अमेरिकी अनुदान लिने हो, तर नेपाललाई हित हुनेगरी लिने ।’
उनले प्रधानमन्त्री शेरबहादुर देउवा पनि गठबन्धन जोगाउने पक्षमा रहेको दाबी गर्दै उनले भने,‘उहाँको प्रस्ट धारणा छ, यो गठबन्धन टुट्दैन ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।