बलिउडमा अभिनेता आमिर खानलाई ‘मिस्टर पर्फेक्टनिस्ट’ पनि भन्ने गरिन्छ । उनले अभिनय गर्ने फिल्महरूमा उनको कामले चर्चा पाउने गरेको छ ।
पछिल्लो फिल्म ‘ठग्स अफ हिन्दोस्तान’लाई बिर्सन हो भने उनको फिल्मले दर्शकको मन जितेका छन् । आमिर केही वर्षयता ‘लाल सिंह चढ्ढा’ मा व्यस्त छन् । उनले फिल्ममा शीर्ष भूमिका निर्वाह गरेका छन् । सन् १९९४ मा हलिउडमा टम ह्यांक्सलाई लिएर बनेको फिल्म ‘फरेस्ट गम्प’ को यो रिमेक हो ।
आमिरले आफूले बनाएको फिल्मबारे प्रतिक्रिया लिन लस एन्जल्समा एक शो आयोजना गर्ने तयारीमा छन् । उनले आफ्नो क्यारेक्टर र फिल्म टमलाई देखाउन चाहन्छन । आमिर व्यक्तिगत रूपमा पनि टमको अभिनय र फिल्म छनौटदेखि प्रभावित छन् ।
टमले आफूभन्दा पनि क्यारेक्टरलाई पर्दामा उतार्न निकै मिहेनत गर्ने गरेका छन् । फरेस्ट गम्पसँगै क्याप्टेन फिलीप, कास्ट अ वे , द टर्मिनलजस्ता फिल्ममार्फत टमले आफ्नो अभिनत कौशलतासँगै कथा छनौटलाई प्रमाणित गरिसकेका छन् ।
यसैले गर्दा पनि आमिर आफ्नो फिल्म टमले हेरेर प्रतिक्रिया दिउन् भन्नेमा छन् । तर, टमले फिल्मको लागि समय दिइसकेका छैनन् । फिल्ममा आमिरसँगै करिना कपुर, नागा चैतन्यसहित कलाकारको अभिनय छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।