युक्रेनमाथि जारी रुसी आक्रणबारे प्रधानमन्त्री शेरबहादुर देउवाले अमेरिकी विदेशमन्त्री एन्टोनी ब्लिन्केनसँग कुराकानी गरेका छन् । यी दुईबीच मंगलबार टेलिफोनमा कुराकानी भएको हो ।
अमेरिकी विदेशमन्त्री एन्टोनीले ट्विटरमा यसबारे लेखेका छन् । उनले नेपालका प्रधानमन्त्री शेरबहादुर देउवासँग राम्रो टेलिफोन संवाद भएको उल्लेख गरेका छन् ।
नेपाली संसदले अमेरिकी सहयोग परियोजना एमसिसी पारित गरेपछि अमेरिकी उच्चपदस्थ अधिकारीसँग प्रधानमन्त्री देउवाको टेलिफोन सम्पर्क भएको यो पहिलो पटक हो । गत आइतबार नेपालको प्रतिनिधि सभामा बहुमतले एमसिसी पारित भएको थियो ।
अमेरिकी विदेशमन्त्री एन्टोनीले ट्विटरमा लेखेका छन्, ‘रुसले युक्रेनमाथि गरेको आक्रमण, युक्रेनको सार्वभौम सत्ता र भौगोलिक अखण्डताप्रति हाम्रो समर्थनबारे प्रधानमन्त्री देउवासँग राम्रो कुराकानी भयो । हामी आर्थिक विकास र क्षेत्रीय चुनौतिको सामना गर्न थप मिलेर काम गर्नेछौँ ।’
नेपालले संयुक्त राष्ट्रसंघको मानवअधिकार परिषदमा युक्रेनको पक्षमा भोट हालेको छ । यसअघि नेपालले युक्रेनमाथि रुसी आक्रमण रोक्न अनुरोध गर्दै एक विज्ञप्तिसमेत निकालेको थियो ।
Good call today with Nepal’s Prime Minister @SherBDeuba to discuss Russia’s unprovoked attack and our support for Ukraine's sovereignty and territorial integrity. We will continue to work closely together on economic development and regional challenges.
— Secretary Antony Blinken (@SecBlinken) March 1, 2022
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
