रुकुम पूर्वको सिस्ने गाउँपालिकाको एक जंगलमा सकेट बम फेला परेका छन् । गाउँपालिकाको वडा नम्बर २ को बुर्किसल्लाको जंगलमा सकेट बम फेला परेका हुन् ।
वडाध्यक्ष जीवन केसीका अनुसार बिहीबार दिउँसो ओडारमा प्लास्टिकको ड्रममा लुकाएर राखिएको अवस्थामा शंकास्पद वस्तु फेला परेपछि स्थानीयले वडा कार्यालयलाई सूचना दिएका थिए ।
पछि प्रहरीले निरीक्षण गर्दा कालो प्लाष्टिकको ड्रमभित्र एक दर्जन बढी सकेट बमजस्तो देखिने वस्तु फेला परेको हो ।
बुर्किसल्ला माओवादीको प्रभाव पर्ने क्षेत्र हो । बम वस्तु निष्क्रिय पार्न नेपाली सेनाको टोली पनि घटनास्थलमा पुगिसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।