आइतबार मुस्ताङको थासाङ गाउँपालिका–२ को सानुसरे भीरमा दुर्घटना भएको तारा एयरको जहाजको ब्लाकबक्स भेटिएको छ । आज बिहान माउन्टेन गाइड पिम्वा तेन्जिङ लामा, नरेन शाही र सेनाको टोलीले ब्लाकबक्स भेटाएको हो ।
यो बक्स फेला परेपछि अब दुर्घटनाबारे थप अनुसन्धान गर्न सहज हुनेछ । अहिलेसम्म प्रतिकूल मौसमका कारण विमान दुर्घटना भएको प्रारम्भिक अनुमान गरिएको छ ।
माउन्टेन गाइड शाहीका अनुसार विमानको पुच्छरमा रहेको इन्धनभित्र ब्लाकबक्स फेला परेको हो । दुर्घटना कसरी भयो भन्ने विस्तृत जानकारी बक्समा रेकर्ड हुनेछ । प्राविधिकहरूका अनुसार ब्लाकबक्स आगलागी हुँदासमेत जल्दैन ।
तारा एयरको जहाजमा सवार २२ जनाकै मृत्यु भएको छ । मृतकको शवहरू काठमाडौं ल्याउने कार्य जारी छ । सोमबार दुर्घटनामा मृत्यु भएका १० जनाको शव हेलिकोप्टरबाट काठमाडौं ल्याइएको थियो । बाँकी १२ जनाको शव आज ल्याइने छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।