इंग्लिस क्लब म्यानचेस्टर युनाइटेडका पोर्चुगिज फरवार्ड क्रिस्टियानो रोनाल्डोमाथि अमेरिकी महिलाले लगाएको बलात्कारको मुद्दा खारेज भएको छ। अमेरिकी न्यायाधिस जेनिफर डोर्सीको इजालसले रोनाल्डोमाथि लगाइएको मुद्दा खारेज गरेको हो ।
अमेरिकी शिक्षिका क्याथरिन मायोर्गाले सन् २००९ मा लस भेगासमा रोनाल्डोले आफुलाई बलात्कार गरेको आरोप लगाउँदै सन् २०१८ मा उनीविरुद्ध मुद्दा दर्ता गरेकी थिइन् । तर, मायोर्गाको वकिलले चुहावट र चोरीको रेकर्डको भरमा मुद्दा दर्ता गरिएको भन्दै त्यसलाई खारेज गरिएको हो ।
रोनाल्डोले भने बलात्कारको आरोप नकार्दै आइरहेका थिए । यस्तै, बलात्कार मुद्दामा मायोर्गाले रोनाल्डोसँग छुट्टै सम्झौता गरेको र ती आरोप सार्वजनिक नगरिने शर्तमा करिब पौने चार लाख डलर लिएको रिपोर्टसमेत बाहिर आएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
