सहिद स्मारक ‘ए’ डिभिजन क्लब न्युरोड टिम (एनआरटी) ले टुवान याङ टेरुतमा(टिवाइटी) कप फुटबल अन्तर्गत आफ्नो पहिलो खेलमा आज इन्डोनेसियाको लिग–२ क्लब कारो एफसीसँग प्रतिस्पर्धा गर्दैछ ।
खेल मलेसियाको पेनाङ सिटी रंगशालामा नेपाली समयअनुसार साँझ ६ बजे सुरु हुनेछ । यस्तै एनआरटीले शनिबार मलेसियाको सुपर लिग क्लब पेनाङ एफसीसँग दोस्रो खेल खेल्नेछ ।
प्रतियोगिता पेनाङका शहर प्रमुख मिस्टर याङले पद बहाली ग्रहण गरेको पहिलो वार्षिकोत्सवको अवसरमा हुन लागेको हो । प्रतियोगिताको विजेताले १० हजार तथा उपविजेता टोलीले ५ हजार मलेसियन रिङगेट पुरस्कार जित्नेछन् ।
एनआरटीले ‘ए’ डिभिजन लिगको तयारी स्वरूप ‘प्रि–सिजन’ खेलका लागि मलेसिया भ्रमणमा गएको हो । उसले मलेसिया भ्रमणपछि थाइल्याण्डमा ३ मैत्रीपूर्ण खेल खेल्ने छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।