लोकतान्त्रिक समाजवादी पार्टी नेपालले किसानलाई सहज रूपमा मल उपलब्ध गराउन तथा महँगी नियन्त्रण गर्नुपर्ने भन्दै ज्ञापन पत्र बुझाउने भएको छ ।
काठमाडौं, बबरमहलस्थित केन्द्रीय कार्यालयमा बसेको केन्द्रीय कार्यकारिणी समितिको बैठकले १७ असारमा प्रमुख जिल्ला अधिकारीमार्फत ज्ञापन पत्र बुझाउन लागेको हो ।
गत २४ गते प्रधानमन्त्री समक्ष हामीले ज्ञापन पत्र प्रस्तुत गरेको तर हालसम्म त्यसमा कुनै कार्यवाही नभएको भन्दै पुनः ज्ञापन पत्र बुझाउन लागेको लोसपाले जनाएको छ । ‘सरकारलाई ध्यानाकर्षण गराउन पार्टीले असार २७ गते जिल्ला जिल्लामा प्रजिअमार्फत प्रधानमन्त्रीसमक्ष ज्ञापन पत्र बुझाउने निर्णय गरेको’ निर्णयमा भनिएको छ ।
यसैगरी बैठकले बाढी पहिरोको समुचित व्यवस्थापन साथै महँगी नियन्त्रणका लागि आवश्यक कदम चाल्न र किसानलाई मलखाद उपलब्ध गराउन पनि माग गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
