जर्मन बुन्डेस लिगाअन्तर्गत गएरातिकाे खेलमा साविक विजेता बायर्न म्युनिखले जित हात पारेको छ । उसले घरेलु टाेली भिएफएल बोचुमविरुद्ध ७-० काे फराकिलो जित हात पारेको हो ।
बायर्नलाई एकतर्फी जित दिलाउन सादियो मानेले दुई, लोरी साने, म्याथिस डी लिग्ट, किङ्गसले कोम्यान र सेर्जी जिनाब्रीले एक/एक गोल गर्दा एक गाेल आत्मघाती उपहार स्वरूप प्राप्त भयाे ।
भोनोभिया रुहरस्टेडियनमा खेलकाे चौथो मिनेटमा सानेले गोल गर्दै बायर्नलाई अग्रता दिलाएका थिए । २५ औं मिनेटमा डी लिग्टले पाहुना टाेलीकाे अग्रता दाेब्बर बनाए बनाए ।
३३ औं मिनेटमा कोम्यानले बायर्नका लागि गोल गरे । ४२ औं मिनेटमा मानेले गोल गरेपछि पाहुना टाेलीले पहिलो हाफमा ४-० को आरामदायी अग्रता बनायो ।
६० औं मिनेटमा मानेले पेनाल्टीमार्फत व्यक्तिगत दोस्रो तथा टाेलीका लागि पाँचाैँ गाेल गरे । ६९ औं मिनेटमा क्रिस्टियन गाम्बाेयाले आत्मघाती गोल गर्दा बायर्न ६-० ले अघि बढ्यो ।
७६ औं मिनेटमा जिनाब्रीले गोल गर्दै बायर्नलाई ७-० को फराकिलो जित दिलाए । याेसँगै लगातार तेस्रो जित निकालेकाे बायर्न तीन खेलमा ९ अंकका साथ शीर्ष स्थानमा रहँदा बाेचुम तेस्रो पराजयका साथ विना अंक पुछारमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।