यूइएफएले च्याम्पियन्स लिगको समूह चरण विभाजन गरेको छ । टर्कीको इस्तानबुलमा बिहीबार भएको समारोहबाट च्याम्पियन्स लिगकाे नयाँ सिजन २०२२/२३ का लागि समूह विभाजन गरिएको हो ।
युइएफले प्रतियोगितामा सहभागी ३२ टाेलीलाई आठ समूहमा विभाजन गरेकाे छ । घरेलु लिगको प्रदर्शन आधारमा २६ तथा प्लेअफबाट ६ गरी कुल ३२ टोलीले प्रतियोगितामा स्थान बनाएका हुन् । प्रत्येक समूहका शीर्ष दुई टोलीले नकआउट चरणमा स्थान बनाउने छन् ।
सार्वजनिक समूह विभाजनअनुसार बायर्न म्युनिख र बार्सिलाेना एकै समूहमा परेका छन् । उनीहरू समूह 'सी' मा परेका हुन् । यस समूहमा इन्टर मिलान र भिक्टोरिया प्लेजन पनि छन् ।
त्यस्तै, चेल्सी र एसी मिलान, म्यानचेस्टर सिटी र बाेरुसिया डर्टमन्ड तथा पिएसजी र युभेन्टस पनि एकै समूहमा परेका छन् । साविक विजेता रियल मड्रिड, आरबी लाइप्जिग, शाख्तर डाेनेक्स र सेल्टिक समूह `एच´ मा छन् ।
यस्ताे छ समूह विभाजन :
समूह `ए´: लिभरपुल, आयाक्स, नापोली, रेन्जर्स
समूह `बी´: एट्लेटिको मड्रिड, पाेर्टाे, बायर लेभरकुसन, क्लब ब्रुज
समूह `सी´: बायर्न म्युनिख, बार्सिलोना, इन्टर मिलान, भिक्टोरिया प्लेजन
समूह `डी´: आइन्ट्राक्ट फ्रान्कफर्ट, टोटेनहम हटस्पर, स्पोर्टिङ सिपी लिस्बन, मार्सेली
समूह `ई´: एसी मिलान, चेल्सी, आरबी साल्जबर्ग, डिनामो जाग्रेब
समूह `एफ´: रियल मड्रिड, आरबी लाइप्जिग, शाख्तार डोनेस्क, सेल्टिक
समूह `जी´: म्यानचेस्टर सिटी, सेभिया, बोरुसिया डर्टमन्ड, कोपनहेगन
समूह `एच´: पेरिस सेन्ट जर्मेन (पिएसजी), युभेन्टस, बेन्फिका, मक्काबी
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
