युरोपियन युनियनकी राजदूत नोना डेप्रेजले बिहीबार प्रमुख निर्वाचन आयुक्त दिनेशकुमार थपलियासँग भेटवार्ता गरेकी छन् ।
उनले कान्तिपथस्थित बहादुर भवनमा पुगेर प्रमुख निर्वाचन आयुक्त थपलियासँग शिष्टाचार भेट गरेकी हुन् ।
उनीहरुबीच आगामी मंसिर ४ गते हुने प्रतिनिधि सभा र प्रदेश सभा निर्वाचनबारे छलफल भएको निर्वाचन आयोगले जनाएको छ ।
राजदूत र प्रमुख निर्वाचन आयुक्तबीच द्विपक्षीय सरोकारलगायत विविध विषयमा पनि कुराकानी भएको आयोगले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
