जाजरकोटमा आइतबार दिउँसो भएकाे जिप दुर्घटनामा परी ८ जनाको मृत्यु भएको छ । दुर्घटनामा तीनजना घाइते भएका छन् ।
कर्णाली प्रदेश २००१ च ०४२९ नम्बरको जिप छेडागाड नगरपालिका वडा न ४ र ५ को बीचमा पर्ने भिरपाटीमा सडकबाट तल खस्दा ८ जनाको मृत्यु भएको हाे ।
जीप २०० मिटर तल खस्दा घटनास्थलमै ८ जनाको मृत्यु भएको कर्णाली प्रदेश प्रहरी कार्यालयका प्रवक्ता एसएसपी माधव श्रेष्ठले जानकारी दिए ।
दैलेखबाट बिहेका लागि जाजरकोट आएको जिप दुर्घटनामा परेको श्रेष्ठकाे भनाइ छ । प्रहरीको टोली घटनास्थलमा पुगेर उद्धार कार्यमा जुटेकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।