२२औँ संस्करणको आहा रारा पोखरा गोल्डकप फुटबलको दोस्रो सेमिफाइनल खेलअन्तर्गत बिहीबरको खेलमा अमेरिकाको भुटनिज युथ सकर क्लब (बिवाइएससी) फाइनलमा पुगेको छ ।
पोखरा रंगशालामा बिहीबार भएको खेलमा चर्च ब्वाइज युनाइटेडलाई १–० गोल अन्तरले हराउँदै भुटनिजले फाइनलमा स्थान बनाएको हो ।
१० खेलाडीमा सीमित चर्च ब्वाइजलाई हराउन भुटनिजका रोजिन प्रजापतिले पहिलो हाफको इन्जुरी समयमा निर्णायक गोल गरे । प्रजापति नै खेलमा म्यान अफ दी म्याच चुनिए ।
खेलको ८४ औं मिनेटमा आशिष चौधरीले दोहोरो पहेलो कार्डसहित रातो कार्ड पाउँदा चर्च ब्वाइज १० खेलाडीमा समेटिएको थियो । एपिएफलाई हराउँदै फाइनलमा स्थान पक्का फाइनल पुगेको संकटासँग उपाधिका लागि बिवाइएससीले प्रतिस्पर्धा गर्नेछ ।
फाइनल खेल शनिबार पोखरा रंगशालामा हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
