काठमाडौंको ह्याम्स अस्पतालमा अवतरणका क्रममा हेलिकोप्टर दुर्घटना भएको छ । हेलिकोप्टरमा रहेका पाइलट सकुशल रहेको र कुनै मानवीय क्षति नभएको प्रहरीले जनाएको छ ।
अस्पतालको छतमा रहेको हेलिप्याडमा अवतरणका क्रममा हेलिकोप्टरको पुच्छरको पंखा खुस्किएको हो । दुर्घटना भई हेलिकोप्टरको पंखा नजिकैको घरको छानामा खसेको हो ।
डाक्टर लिएर भरतपुर जानका लागि हेलिकोप्टर विमानस्थलबाट ह्याम्स अस्पतालमा गएको थियो । हेलिकोप्टर बिरामी लिनका लागि भरतपुर जान लागेको हो ।
हेलिकोप्टरलाई अस्पतालको हेलिप्याडमा नै राखेर थप अनुसनधान भइरहेको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
