प्रतिनिधिसभा सदस्य उपनिर्वाचनअन्तर्गत चितवन–२ मा कांग्रेस उम्मेदवार जितनारायण श्रेष्ठले जित नजिक पुगेका रास्वपा सभापति रवि लामिछानेलाई दलभन्दा माथि उठेर लागि काम गर्न सुझाव दिएका छन् ।
मतगणना स्थल बाहिर लामिछानेलाई बधाई दिँदै श्रेष्ठले दलभन्दा माथि उठेर जनताको हक हितका लागि काम गर्न सुझाव दिएका हुन् । साथै, उनले लामिछाने अब आफ्नो पनि जनप्रतिनिधि भएको बताए ।
श्रेष्ठले रास्वपाको जितले पुराना पार्टी सच्चिनुपर्ने सन्देश दिएको समेत उल्लेख गरे । ‘हामीलाई सक्किने मन्जुर छैन । हामी सच्चिन्छौँ नै,’ उनले भने ।
बधाई थाप्दै लामिछानेले कांग्रेसका श्रेष्ठ चितवनको माटोमा भिजेको व्यक्ति भएकाले उनको सुझाव र सल्लाह लिएर आफू अघि बढ्ने बताए । लामिछाने उपनिर्वाचनमा पनि फराकिलो जित नजिक छन् ।
अहिलेसम्म उनले ४५ हजारभन्दा बढी मत प्राप्त गरेका छन् । लामिछानेलाई पछ्याइरहेका श्रेष्ठले ८ हजार ४२५ मत पाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
