प्रधानमन्त्री पुष्पकमल दाहाल प्रचण्ड र राष्ट्रिय स्वतन्त्र पार्टी (रास्वपा) का सभापति रवि लामिछानेबीच भेटवार्ता भएको छ । उनीहरूबीच आइतबार बिहान प्रधानमन्त्री निवास बालुवाटारमा भेटवार्ता भएको हो ।
भेटमा प्रधानमन्त्री प्रचण्डले लामिछानेलाई चितवन–२ उपनिर्वाचनबाट निर्वाचित भएकोमा बधाई तथा शुभकामना दिए । साथै, प्रचण्ड–लामिछानेबीचको भेटवार्तामा समसामयिक राजनीतिक विषयमा पनि छलफल भएको प्रधानमन्त्रीको सचिवालयले जनाएको छ ।
प्रधानमन्त्री प्रचण्ड रास्वपालाई पनि सरकारमा सहभागी गराउन प्रयासरत छन् । रास्वपा भने यथास्थितिमा सरकारमा सहभागी नहुने अडानमा छ । सरकारले न्यूनतम् साझा कार्यक्रम परिवर्तन गरेपछि रास्वपाले तत्काल सरकारमा सहभागी हुने इच्छा नदेखाएको हो ।
सरकारबारे निर्णय लिन रास्वपाले भोलिका लागि केन्द्रीय कार्यसमिति र संसदीय दलको बैठक बोलाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।