कोशी प्रदेशका मुख्यमन्त्री उद्धव थापाले मन्त्रिमण्डल विस्तार गरेका छन् । उनले पाँच मन्त्री नियुक्त गरेर ६ सदस्यीय मन्त्रिमण्डल बनाएका हुन् ।
उनले कांग्रेसबाट प्रदीपकुमार सुनुवार र रामकुमार खत्री, माओवादी केन्द्रबाट जीवन आचार्य र राजेन्द्रकुमार राई, नेकपा एकीकृत समाजवादीबाट कमलप्रसाद जबेगुलाई मन्त्रीम नियुक्त गरेका हुन् ।
पाँच मन्त्रीमध्ये आचार्यलाई आर्थिक मामिला तथा योजनामन्त्रीको जिम्मेवारी दिइएको छ । अन्य चार मन्त्रीको जिम्मेवारी पछि तोकिने जनाइएको छ ।
राप्रपासहितका दल सरकारमा सहभागी हुनसक्ने सम्भावनालाई ध्यानमा राखेर मुख्यमन्त्री थापाले मन्त्रीहरूको जिम्मेवारी नतोकेका हुन् । गठबन्धन दलहरुबीच आइतबार मुख्यमन्त्री कार्यालयमा बसेको बैठकले यस्तो निर्णय गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
