फिफा महिला फुटबल विश्वकपमा जापानले शानदार सुरुवात गरेको छ ।
शनिबार सम्पन्न खेलमा जापानले जाम्बियालाई ५–० गोल अन्तरले पराजित गर्दै विश्वकपमा शानदार सुुरुवात गरेको हो ।
जापानको जितमा हिनाता मियाजावाले दुई गोल गरेकी थिइन् भने मिना तानाका, जुन एन्डो र रिको उएकीले एक–एक गोल गरेका थिए ।
यो जितसँगै जापानले महत्वपूर्ण तीन अंक हासिल गर्दै समूह सी मा शीर्ष स्थानमा रहेको छ । समूह सी मा स्पेनले पनि आफ्नो पहिलो खेल जितेर तीन अंक हासिल गरेको छ ।
त्यस्तै, यस समूहमा कोस्टा रिका र जाम्बियाले पहिलो खेलमा हार बेहोरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
