चीनमा जारी १९औँ एसियाली खेलकुद प्रतियोगिता (एसियाड) मा आज नेपालले ६ खेलमा प्रतिस्पर्धा गर्दैछ । प्रतियोगितामा नेपाली महिला भलिबल टोलीले बिहान सवा ८ बजे दक्षिण कोरियासँग खेल्दैछ ।
पहिलो खेलमा नेपाल भियतनामसँग सोझो सेटमा पराजित भएको थियो । समूहबाट अगाडि बढ्ने हो भने नेपालले आजको खेल जित्नुको अर्को विकल्प छैन ।
यस्तै, कबड्डीमा बिहान सवा ८ बजे नै नेपालले बंगलादेशसँग खेल्दैछ । यसैगरी नेपालले आज आर्चरी, स्क्वास, एथ्लेटिक्स र ब्याडमिन्टनमा पनि प्रतिस्पर्धा गर्ने तालिका छ ।
प्रतियोगिताको नवाैँ दिनसम्म नेपालले कुनै पदक जित्न सकेको छैन । प्रतियोगिताको लागि २९ खेलका २ सय ५३ खेलाडी छनोट भएका छन् । अहिलेसम्म चीन १ सय ३३ स्वर्ण पदक जित्दै तालिकाको शीर्षस्थानमा रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
