इंग्लिस क्लब म्यानचेस्टर युनाइटेडले युइएफए च्याम्पियन्स लिगमा आफ्नो खराब लय कायमै राखेको छ । ऊ मंगलबार राति भएको खेलमा गालातासारेसँग ३–२ ले पराजित भयो ।
खेलमा रास्मस होजलुन्डले युनाइटेडलाई अग्रता दिलाएका थिए । २३औँ मिनेटमा विलफ्रिड जाहाले गोल गर्दै गालातासारेलाई खेलमा फर्काए ।
दोस्रो हाफमा पुनः युनाइटेड अग्रता बनायो । रास्मसले ६७औँ मिनेट अग्रता युनाइटेडलाई २–१ को अग्रता दिलाएका थिए । ७१औँ मिनेटमा करिम अक्तुरकोग्लुले गोल गर्दै खेल २–२ को अवस्थामा पुर्याए ।
७७औँ मिनेटमा फाउल गरेपछि कासेमेरोले सिधै रातो कार्ड सामना गर्दा युनाइटेड १० खेलाडीमा सीमित बन्यो । ८१औँ मिनेटमा इकार्डीले विजयी गोल गर्दै गालातासारेलाई ३–२ को जित दिलाए ।
समूहको अर्काे खेलमा बायर्न म्युनिखले कोबेनहाभनलाई २–१ ले हराएको छ । युनाइटेडले लगातार दोस्रो हार बेहोरेको हो । दुई खेल सकिँदा ऊ अंकविहीन छ ।
समूह ‘ए’ को बायर्न म्युनिख दुई खेलबाट सत प्रतिशत जितसहित शीर्षस्थानमा छ । गालातासारे चार अंकसहित दोस्रो र कोबेनहाभन एक अंकसहित तेस्रो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
