नेकपा (एमाले) को सुदूरपश्चिम प्रदेश कमिटी पहिलो अधिवेशनमा नयाँ नेतृत्व चयनका लागि आज मतदान हुँदै छ । निर्वाचन तालिकाअनुसार मंगलबार आज बिहान ७ बजेदेखि साढे ९ बजेसम्म उम्मेदवारी दर्ता गर्ने समय तोकिएको छ ।
उम्मेदवारी दर्ता भएपछि उम्मेदवारको प्रारम्भिक नामावली बिहान साढे ११ बजे प्रकाशन गरिनेछ । त्यही समयभित्र उम्मेदवारको विरोधमा उजुरी दिन समय तोकिएको छ ।
उम्मेदवारी फिर्ता गर्न कमिटीले साढे १२ बजेदेखि २ बजेसम्मको समय दिएको छ । निर्वाचन तालिकाअनुसार मंगलबार दिउँसो साढे २ बजे उम्मेदवारको अन्तिम नामावली प्रकाशन हुनेछ ।
दिउँसो साढे २ बजे अन्तिम नामावली प्रकाशन गर्ने र बेलुकी ५ बजेदेखि मतदान सुरु गर्ने तयारी छ । एमाले सुदूरपश्चिम अध्यक्षका लागि तीन जनाले दाबी गरेका छन् ।
एमाले सुदूपश्चिम प्रदेश कमिटी सचिवालय सदस्य कृष्णप्रसाद जैसी, बचनबहादुर सिंह र कमल तिमिल्सिनाले अध्यक्षमा दाबी गरेका हुन् । एमालेले लुम्बिनी, बागमती, कर्णाली, कोशी, गण्डकी, उपत्यका विशेष प्रदेश कमिटी अधिवेशन भने गरिसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
