इतिहासकार एवं मदन पुरस्कार विजेता चित्तरञ्जन नेपालीको निधन भएको छ । लामो समयदेखि श्वासप्रश्वाससम्बन्धी रोगबाट पीडित नेपालीको काठमाडौंको ओम अस्पतालमा उपचारका क्रममा ९२ वर्षको उमेरमा निधन भएको हो ।
वि.सं २०१३ सालमा उनले सामाजिक शास्त्र (विधा) विषयमा ‘जनरल भीमसेन थापा’ र ‘तत्कालीन नेपाल’ नामक ग्रन्थका लागि मदन पुरस्कार प्राप्त गरेका थिए ।
नेपालीको वास्तविक नाम नारायणप्रसाद राजभण्डारी हो । राणाविरोधी आन्दोलनका लागि उनले आफ्नो नाम चित्तरञ्जन नेपाली राखेका थिए ।
उनका कृति ‘जंगबहादुरको कथा’, ‘केही कृति : केही अभिव्यक्ति’, ‘पारिवारिक षडयन्त्रका कथाहरू’, नेपाली इतिहास परिचय (भाग १, २, ३), जनरल भीमसेन थापा र तत्कालीन नेपाल, नेपाल–चीन सिमाना सन्धि (इतिहास) लगायत प्रकाशित छन् ।
उनी १० साउन वि.सं १९८८ मा काठमाडौंको न्हैकन्तला टोलमा जन्मिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
