आइसिसी टी–२० विश्वकप छनोटअन्तर्गत समूह चरणको अन्तिम खेलमा ओमानविरुद्ध नेपाललाई आठौँ सफलता मिलेको छ । नेपाललाई आठौँ सफलता करण केसीले दिलाए ।
उनले १७.३ ओभरमा नसीम खुसीलाई २५ रनमा सन्दीप लामिछानेको हातबाट क्याच आउट गराए । ओमानको सातौँ विकेट तीव्र गतिका बलर अविनाश बोहराले लिए । उनले १४.४ ओभरमा ओमानका कप्तान जीशान मक्सूदलाई ३२ रनमा विकेटकिपर आसिफ शेखको हातबाट क्याच आउट गराए ।
नेपाललाई पाँचौं र छैटौँ सफलता स्टार स्पिनर सन्दीप लामिछानेले दिलाए । उनले १३.१ ओभरमा अयान खानलाई १८ तथा यही ओभरको दोस्रो बलमा मेहरान खानलाई शून्यमै आउट गरे । सन्दीपले अयानलाई बोल्ड तथा मेहरानलाई रनमा एलबीडब्लू धरापमा पारे । नेपाललाई चौथो सफलता तीव्र गतिका बलर सोमपाल कामीले दिलाए ।
उनले ५.४ ओभरमा शोएब खानलाई शून्यमै बोल्ड गरे । ओमानको तेस्रो विकेट युवा अलराउन्डर गुलशन झाले लिए । उनले पाँचौं ओभरको अन्तिम बलमा ओपनर प्रतीक आठवलेलाई २४ रनमा रोहित पौडेलको हातबाट क्याच आउट गराए ।
ओमानको दोस्रो विकेट तीव्र गतिका बलर सोमपाल कामीले लिएका थिए । उनले ३.१ ओभरमा ओमानका स्टार ब्याटर अकिब इलियासलाई ८ रनमा बोल्ड गरे । नेपाललाई पहिलो सफलता तीव्र गतिका बलर करण केसीले दिलाए ।
उनले ओपनर कश्यप प्रजापतिलाई पहिलो ओभरको पाँचौं बलमा ८ रनमै आउट गरे । नेपालले आज टस जितेर पहिला बलिङ गरिरहेको हो । नेपाल र ओमानबीचको खेल ९ बजेदेखि कीर्तिपुरस्थित त्रिवि मैदानमा भइरहेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।