सन् २०२३ को ११ महिनामा जिल्लामा ७८ जना एचआइभीबाट संक्रमित भएका पुष्टि भएको छ । ३६औँ विश्व एड्स दिवसका अवसरमा एड्स हेल्थ फाउण्डेसन नेपाल भरतपुर अस्पतालले पत्रकार सम्मेलन गरेर सो जानकारी दिएको हो ।
फाउण्डेसनका अनुसार चार सय २५ जनाको परीक्षण गर्दा ७८ जनामा एचआइभी संक्रमण पुष्टि भएको हो । परीक्षण गरिएकामध्ये ४० जना पुरुष, ३३ जना महिला, तीनजना तेस्रो लिंगी र दुईजना बालबालिका छन् । संक्रमण पुष्टि भएकामा चितवनका ३६ जना र बाहिरी जिल्लाका ४२ जना छन् ।
जिल्लामा अहिलेसम्म दुई हजार तीन सय १९ जनामा एचआइभी संक्रमण पुष्टि भएको छ । पत्रकार सम्मेलनमा दिएको जानकारीअनुसार एक हजार दुई सय १० जना पुरुष, नौ सय २३ जना महिला, २४ जना तेस्रो लिंगी र एक सय ६२ जना बालबालिका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।