रूसले युक्रेनमाथि आक्रमण थप बढाइरहेका समय रूसी राष्ट्रपति भ्लादिमिर पुटिनले युक्रेनमा अधिकतम एक लाख ७० हजार सैनिक बढाउन सेनालाई आदेश दिएका छन् । पुटिनको आदेश तत्काल लागू भएको क्रेमलिनले आइतबार जनाएको छ । 

मस्कोले सैनिकहरूको संखया बढाउँदै जाँदा, यसको सशस्त्र बलको क्षमता १३ लाख २० हजारमा कायम हुन्छ र रूसी सैन्य कर्मचारीहरूको समग्र संख्या २२ लाख कायम हुन्छ ।

रूसी रक्षा मन्त्रालयले एक विज्ञप्ति जारी गर्दै भनेको छ, ‘विशेष सैन्य अभियान र उत्तर एटलान्टिक सन्धि संगठन (नेटो)को जारी विस्तारसँग सम्बन्धित हाम्रो देशमाथि बढ्दो खतराका कारण सशस्त्र बलको पूर्णकालीन शक्तिमा वृद्धि गरिएको छ । यद्यपि, यो आदेशले ‘भर्तीको कुनै उल्लेखनीय विस्तार’लाई संकेङ्केत गर्दैन, तर यो वृद्धि बिस्तारै थप स्वयंसेवकहरू भर्ती गरेर हुने सी अधिकारीलाई उद्धृत गरी अल जजिराले जनाएको छ । 

रूसका पूर्व राष्ट्रपति तथा सुरक्षा परिषद्का वर्तमान उपाध्यक्ष दिमित्री मेदभेदेवले सन् २०२३ को जनवरी १ देखि डिसेम्बर १ सम्म चार लाख ५२ हजारभन्दा बढीलाई करारमा सेनामा भर्ना गरिएको जानकारी दिएका छन् । 

विज्ञप्तिमा भनिएको छ, ‘नेटोको संयुक्त सशस्त्र बल रूसको सीमा नजिक निर्माण भइरहेको छ र थप हवाई प्रतिरक्षा प्रणाली र आक्रमण गर्ने हतियारहरू तैनाथ गरिएको छ । नेटोको सामरिक आणविक शक्तिको क्षमता वृद्धि भइरहेको छ ।’ 

नेटो गठबनधनको आक्रामक गतिविधिको लागि रूसी सेनालाई बढाउनु उपयुक्त प्रतिक्रिया भएको सको दाबी छ । 

सन् २०१८ यता रूसले दोस्रो पटक सेना विस्तार गरेको छ । यसअघि सन् २०२२ मा पुटिनले एक लाख ३७ हजार सैनिक बढाउने आदेश दिनुभएको थियो । 

गत डिसेम्बरमा रूसी रक्षामन्त्री सर्गेई सोइगुले रूसको सुरक्षा सुनिश्चित गर्नका लागि आफ्नो देशलाई १५ लाख सैनिक आवश्यक रहेको बताएका थिए । 

यसअघि क्रेमलिनले आफ्नो सेनाको आकारलाई पर्याप्त ठानेको थियो, तर युक्रेनमाथि चाँडै विजय हासिल गर्ने आशामा संख्या बढाइएको हो ।