प्रधानमन्त्री पुष्पकमल दाहाल प्रचण्डको कार्यशैलीप्रति असन्तुष्टि जनाउँदै उनका राजनीतिक सल्लाहकार हरिबोल गजुरेलले राजीनामा दिएका छन्। गजुरेललाई मन्त्रीसरहको सेवासुविधा दिने गरी प्रधानमन्त्रीले राजनीतिक सल्लाहकार बनाएका थिए ।
एनसेल प्रकरणमा प्रधानमन्त्री दाहालको नाम मुछिइरहेका बेला उनका राजनीतिक सल्लाहकारको राजीनामालाई अर्थपूर्ण रूपमा हेरिएको छ । प्रधानमन्त्री दाहाल परिवारवादमा फसेको र सल्लाहाकारका रुपमा आफ्नो भूमिका नभएको भन्दै गजुरेलले पद छाडेका हुन् ।
प्रधानमन्त्रीका कामकारबाहीमा स्वकीय सचिवसमेत रहेकी छोरी गंगाले हस्तक्षेप गरेको गजुरेलको गुनासो छ। त्यस्तै उनले आफ्नो गृह जिल्लाको राजनीतिक गतिविधिमा पनि आफूलाई बाइपास गरेको उनको आरोप छ ।
माओवादी स्रोतले भने उनी पार्टीको काममा व्यस्त हुनुपरेकाले राजीनामा दिनएको दाबी गरेको छ । केहीले भने उनले राष्ट्रिय सभा सदस्य बन्नका लागि सल्लाहकारबाट राजीनामा गरेको आकलन गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
