इंग्लिस प्रिमियर लिग फुटबलमा लिभरपुल र आर्सनल एक–एक गोलको बराबरीमा रोकिएका छन् । गएराति लिभरपुलको घरेलु मैदान एन्फिल्डमा दुवै टोलीले १–१ गोलको बराबरी खेलेका हुन् ।
अग्रता जोगाउन नसक्दा आर्सनल खेल जित्न चुक्यो । चौथो मिनेटमा मार्टिन ओडेगार्डको फ्रिकिकलाई डिफेन्डर गेब्रियलले गोलमा परिणत गरेका थिए ।
लिभरपुलले २९औँ मिनेटमा बराबरी गोल फर्कायो । ट्रेन्ट अलेक्ज्येन्डरको लामो पासलाई सदुपयोग गर्दै मोहम्मद सलाहले गोल गर्न सफल भए ।
बराबरीपछि १८ खेलबाट ४० अंकसिहत आर्सनल शीर्ष स्थानमा कायमै छ । समान खेलबाट ३९ अंक जोडेको लिभरपुल दोस्रो स्थानमा छ ।
शनिबार नै भएको अर्को खेलमा म्यानचेस्टर युनाइटेडले वेस्ट हामसँग २–० को हार बेहोर्यो । यस्तै, टोटेनहामले एभर्टनलाई २–१ गोल अन्तरले हरायो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
