दक्षिण अफ्रिकामा जारी आइसिसी यू–१९ विश्वकपको सुपर सिक्सअन्तर्गत खराब मौसमका कारण रोकिएको नेपाल र भारतबीचको खेल सुरु भएको छ । क्रिकइन्फोका अनुसार चट्याङको जोखिमलाई मध्यनजर गर्दै रोकिएको नेपाल–भारतबीचको खेल पुनः सुरु भएको हो ।
त्यसअघि ब्लोमफन्टेनमा टस जितेर ब्याटिङ रोजेको भारतले निर्धारित ५० ओभरमा ५ विकेट गुमाएर २ सय ९७ रन बनायो । उसका लागि सचिन दास र कप्तान उदय सहारणले शतकीय इनिङ खेले ।
१०१ बलमा ११ चौका र तीन छक्का हिर्काएका दासले सर्वाधिक ११६ रन बनाए । यस्तै, सहारणले १०७ बलमा ९ चौकाको मद्दतमा १ सय रनको पारी खेले । यस्तै, आदर्श सिंहले २१, प्रियांशु मोलियाले १९ र अर्शिन कुलकर्णीले १८ रन जोडे ।
नेपालका लागि गुलशन झाले १० ओभरमा ५६ रन दिएर सर्वाधिक तीन विकेट लिए । यस्तै, आकाश चन्दले एक विकेट हात पारे । नेपालले सुपर सिक्सको पहिलो खेलमा बंगलादेशसँग ५ विकेटको हार बेहोरेको थियो ।
यता भारतले सुपर सिक्सको पहिलो खेलमा न्यूजिल्याण्डविरुद्ध २१४ रनको जित निकालेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।