आइसिसी क्रिकेट विश्वकप लिग–२ को त्रिकोणात्मक सिरिजमा नामिबियाविरुद्ध नेपालले नवौँ विकेट गुमाएको छ । नेपालले नवौँ विकेटको रूपमा भीम सार्कीलाई गुमाएको हो । उनी ३५औँ ओभरको अन्तिम बलमा आउट भए ।
सार्कीलाई बर्नार्ड स्कोल्ट्जले २६ रनमा बोल्ड गरे । नेपाले आठौँ विकेटको रूपमा सोमपाल कामीलाई गुमायो । उनी ३३.५ ओभरमा ४ रनमै क्याच आउट भए ।
नेपालले यही ओभरको दोस्रो बलमा दीपेन्द्र सिंह ऐरीलाई ६ रनमा गुमायो । ऐरी र कामीलाई निकोल लोफ्टी-इटनले आउट गरे । नेपालले छैटौँ विकेटको रूपमा कप्तान अलराउन्डर कुशल मल्ललाई गुमायो । उनी २६.३ ओभरमा आउट भए ।
कुशलले आज ५२ बलमा तीन छक्का र एक चौकासहित ३६ रनको पारी खेले । उनलाई कप्तान गेर्हार्ड इरास्मसले क्रिज बाहिर पठाएका हुन् । नेपालले पाँचौं विकेटको रूपमा रोहितकुमार पौडेललाई गुमायो ।
उनी २३.२ ओभरमा शून्यमै आउट भए । रोहितलाई पार्ट टाइम बलर जन निकोल लोफ्टी-इटनले पवेलिएन फर्काए ।
नामिबियाविवरुद्ध अनिल साह र देव खनाल पनि शून्यमै आउट भए । देव आठौँ ओभरको अन्तिम बलमा तथा अनिल उनी ६.४ मा शून्यमै आउट भएका हुन् । देवलाई ज्याक ब्रासेलले विकेटकिपरबाट क्याच आउट गराए । अनिल बर्नार्ड स्कोल्ट्जको बलमा आउट भए । यही ओभरको दोस्रो बलमा कुशल भुर्तेल आउट भए ।
उनी ६.२ ओभरमा स्पिनर बर्नार्ड स्कोल्ट्जको बलमा एल्बीडब्लू आउट भएका हुन् । कुशलले आज १६ बलमा तीन चौकासहित १८ रन जोडे ।
आसिफको १२औँ अर्धशतक
ओपनिङ ब्याटर तथा विकेटकिपर आसिफ शेखले अर्धशतकीय पारी खेले । उनले ६४ बलमा आठ चौका र एक छक्कासहित ५८ रनको पारी खेलेका हुन् । आसिफको यो १२औँ आडिआई अर्धशतक हो । उनी ओडिआईमा १२ अर्धशतक बनाउने एक्ला नेपाली ब्याटर हुन् ।
कीर्तिपुरस्थित त्रिवि मैदानमा भइरहेको खेलमा नेपालले टस हारेर पहिला ब्याटिङ गरिरहेको छ । नेपालले आज प्लेइङ–११ मा एक खेलाडी परिवर्तन गरेको छ । नेपालले नामिबियाविरुद्ध गुलशन झालाई विश्राम दिएर करण केसीलाई मौका दिएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।