काठमाडौं– केन्द्र सरकारले हावाहुरी प्रभावित क्षेत्रमा राहतका लागि ४६८ वटा त्रिपाल पठाएको छ ।
५ सय घर परिवार प्रभावित भएको जानकारीका आधारमा त्यति त्रिपाल पठाइएको गृह मन्त्रालयको विपद् व्यवस्थापन महाशाखाले जनाएको छ । बारामा १५० वटा त्रिपाल मौज्दात रहेकाले केन्द्र सरकारले ४ सय ६८ वटा मात्रै त्रिपाल पठाएको हो ।
महाशाखाका अनुसार, अब केन्द्र सरकारसँग २ हजार वटा त्रिपाल बाँकी छ ।
त्रिपालसँगै ४ हजार १६८ थान कपडा पनि पठाइएको महाशाखाले बताएको छ । खाद्यान्न भने केन्द्र सरकारले खर्च व्यहोर्ने गरी हाललाई स्थानीय तहले नै व्यवस्थापन गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।