एजेन्सी– भारत र अष्ट्रेलियाबीच आइतबार इंग्ल्यान्डमा भएको जारी विश्वकपको खेलमा विराट कोहलीको विशेष प्रशंसा भएको छ ।
तर, यो प्रशंसा उनले ८२ रन बनाएकाले भएको होइन । भारतले जितेको खेलमा उनले गरेको कप्तानीका कारण पनि होइन ।
यो प्रशंसा त उनको खेल भावनाका कारण भएको हो ।
खासमा भएको के थियो भने, भारतले ब्याटिङ गर्दा विराट क्रिजमा थिए । फिल्डिङ गरिरहेका थिए, अष्ट्रेलियाका खेलाडी । मैदानको बाउन्ड्रीमा फिल्डिङ गरिरहेका थिए, अष्ट्रेलियाका स्टिभ स्मिथ ।
उनको छेवैमा रहेका भारतीय दर्शकहरु चाहिँ ठूलोठूलो स्वरमा स्मिथलाई जिस्काइरहेका थिए ।
विराटले यो देखेपछि उनी क्रिजबाट केही पर निस्किए र संकेत गरे ।
अन्टर्राष्ट्रिय क्रिकेट काउन्सिलले पनि यो भिडियो सेयर गर्दै विराटको प्रशंसा गरेको छ ।
त्यति मात्र होइन, केहीपछि जब स्मिथ र विराट एकअर्काका सामुन्ने भएका थिए, स्मिथले विराटलाई हाँस्दै धाप पनि मारेका थिए । उनले विराटलाई धन्यवाद भनेका थिए ।
भारतीय मिडियाहरुले चाहिँ भारतीय दर्शकले स्मिथलाई ‘चिटर’ भनेर जिस्काएको दाबी गरेका छन् ।
गत वर्ष दक्षिण अफ्रिकासँगको खेलमा बल ट्याम्परिङ गरेको आरोप स्वीकार गरेपछि स्मिथलाई अष्ट्रेलियाले कप्तानबाट हटाएको थियो । उनी केही पहिले मात्र अष्ट्रेलियाको क्रिकेट टिममा फर्किएका हुन् ।
यहीबारे आइसिसीले ट्विट पनि गरेकाे छ:
When India fans started getting stuck into @stevesmith49, here's how #ViratKohli responded to them.
— ICC (@ICC) June 9, 2019
And here's the reaction from the Australian!
Absolute class! #SpiritOfCrickethttps://t.co/2gMOtR6lQZ
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
