रौतहट बमकाण्डका आरोपित महताब आलमलाई आइतबार नै जिल्ला कारागार रौतहट चलान गरिएको छ । महताब कांग्रेस नेता एवं निलम्बित सांसद मोहम्मद अफताब आलमका भाइ हुन् ।
न्यायाधीश मणिराम न्यौपानेको इजलासले आइतबार आलमलाई पुर्पक्षका लागि थुनामा पठाउने आदेश गरेको हो ।
उनीमाथि कर्तव्य ज्यान, ज्यान मार्ने उद्योग र बम विस्फोट सम्बन्धी गरी तीनवटा कसुरमा मुद्दा चलाइएको छ ।
मंसिर २२ गते प्रहरीले पक्राउ परेका आलममाथि ०६४ चैत २७ गते त्रिलोकप्रताप सिंह र ओशी अख्तरसहितका व्यक्तिहरुलाई इँटा भट्टामा जिउँदै जलाएको आरोप छ ।
घटनाका मुख्य योजनाकार मानिएका पूर्वमन्त्री आलम हाल नख्खु कारागारमा थुनामा छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।