नेकपा नेतृ रामकुमारी झाँक्री पक्राउको विषयलाई लिएर नेपाली कांग्रेसका नेता गगन थापाले सकारमाथि प्रश्न उठाएका छन् । उनले सामाजिक सञ्जाल ट्विटरमार्फत लोकतन्त्रमा अभिव्यक्ति स्वतन्त्रता रहेकाले पक्राउले समस्या समाधान नहुने चर्चा गरेका छन् ।
थापाले ट्विटरमा सरकारलाई प्रश्न गर्दै लेखेका छन्, ‘कर्तव्य निर्वाह गर्न छोडेर असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउने ?’ ‘उहिले राजा–महाराजा, अहिले राष्ट्रपति !,’ पहिलेको राजा–महाराजाको शैली अहिले राष्ट्रपतिमा देखिनुलाई उनले आश्चर्यको विषय भनेका छन् ।
सत्यको पक्षमा बोल्नेको मुख कहिल्यै थुन्न नसकिने उल्लेख गर्दै थापाले भनेका छन्, ‘सरकार झ्यालखानाको संख्या थप, किनकि सत्यको पक्षमा बोल्ने मुख तिमीले देखाएको त्रासले बन्द हुँदैन ।’
कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति!
— Gagan Thapa (@thapagk) February 11, 2021
सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
