एमाले नेता भीम रावलले प्रधानमन्त्री ताथ एमाले अध्यक्ष केपी ओलीको गुटले आफूलाई सबै कानुन नियमभन्दा माथि राखेको भन्दै आलोचना गरेका छन् ।
सोमबार सामाजिक सञ्चालमार्फत आफ्ना धारणा राख्दै नेता रावलले कोरोनाबाट जोगिन अरूलाई भेला, बैठक, समारोह नगर्न भन्ने सरकारका प्रधानमन्त्री र उनी निकटले भेला, बैठक, समारोह गरिरहेको भन्दै आपत्ति जनाएका हुन्।
‘प्रम ओली गुटलाई सरकारी निर्णय लाग्दैन र ? कि उहाँको गुट सरकारी निर्णय र कानुनभन्दा माथि हुने कतै गोप्य अध्यादेश जारी भइसक्यो ?’ रावलले प्रश्न गरेका छन् । कानुन सबैका लागि बराबर हुनुपर्ने उनको भनाइ छ।
कोरोनाबाट जोगिन अरूलाई भेला,बैठक,समारोह नगर्न भन्ने तर प्रमं ओली र उहाँका निकटस्थहरू भेला,बैठक,समारोह गरिरहने,यो के हो?प्रमं ओली गुटलाई सरकारी निर्णय लाग्दैन र? कि उहाँको गुट सरकारी निर्णय र कानूनभन्दा माथि हुने कतै गोप्य अध्यादेश जारी भइसक्यो?! कानूनका सामु सबै बराबर होइन र?
— Bhim Rawal, PhD (@BhimRawal179) April 26, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
