लेखक खगेन्द्र संग्रौलाले एका घरमा सहयात्री ओलीलाई छाडेर राष्ट्रपति विद्यादेवी भण्डारीले देउवालाई प्रधानमन्त्री बनाउने कुरा आकाशको फल आँखा तरी मर भनेजस्तै भएको बताएका छन् ।
प्रधामन्त्रीमा लागि दावी पेश गरेका देउवाको प्रस्तावलाई बेवास्ता गर्दै राति नै राष्ट्रपति भण्डारीले संसद विघटन गर्दै चुनाव घोषणा गरेपछि संग्रौलाले व्यंग्य गर्दै प्रतिक्रिया दिएका हुन् ।
आफूलाई २ पटक राष्ट्रपति बनाइदिने र मौका परे फेरि बनाउन सक्ने कृपाकारी ओलीको विकल्पमा जाने राष्ट्रपति कसरी तयार हुनु ? भन्दै प्रश्न गरेका छन् ।
‘जवजका अटल सहयात्री ओली, एकाघरका यस्ता असल कम्निस्ट ओलीलाई छाडेर प्रतिक्रियावादी देउवालाई प्रधानमन्त्री बनाइदिने ? हैट! आकाशको फल,आँखा तरी मर’ संग्रौलाले व्यंग्य गरेका छन् ।
दु-दुईपल्ट राष्ट्रपति बनाइदिने कृपाकारी ओली।ईश्वर दाहिना भए फेरि राष्ट्रपति बनाइदिने दयालु ओली।सुख-दुःखका पार्टी कमरेड ओली।जवजका अटल सहयात्री ओली।विद्यादेवीले एकाघरका यस्ता असल कम्निस्ट ओलीलाई छाडेर प्रतिक्रियावादी देउवालाई प्रधानमन्त्री बनाइदिने?हैट्,आकाशकाे फल,आँखा तरी मर्!
— Khagendra Sangroula (@belakoboli) May 21, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।