कोपा अमेरिका २०२० अन्तर्गत शनिबार बिहानदेखि क्वाटरफाइनलका खेलहरु सुरु हुँदैछन् ।
शनिबार बिहान साविक विजेता ब्राजिल र चिली प्रतिस्पर्धा गर्दैछन् । खेल बिहान पौने ६ बजे सुरु हुनेछ ।
ब्राजिलमा नै भएको खेलमा आयोजक ब्राजिलले चार खेल मध्ये तीन खेलमा जित निकाल्दै एक खेल भने बराबरीमा रोकिएको थियो ।
चिली समूह ए मा रहेको टोली हो । जसमा चौंथो हुँदै टोलीले अन्तिम आठमा स्थान पक्का गरेको हो ।
समूह चरणमा चिलीले एक खेलमा जित हात पारेको थियो भने दुई खेल बराबरीमा खेलेको थियो । चिलीले अर्जेन्टिना र उरुग्वेसँग बराबरीमा खेलेको थियो ।
दुई टोलीले हालसम्म एक अर्कासँग ७२ खेल खेलेका छन् । जसमा ब्राजिलले ५१ खेलमा जित हात पारेको छ ।
चिलीले भने १३ खेलमा मात्रै जित हात पारेको छ । दुई टोलीबीचको ८ खेल बराबरीमा सकिएको छ ।
ब्राजिल र चिली बीचको खेल अघि पौने ३ बजे पेरु र पाराग्वे बीचको अन्तिम आठको खेल हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।