उरुग्वेलाई पेनोल्टी सुट आउटमा ४-२ ले पराजित गर्दै कोलम्बियाले कोपा अमेरिकाको सेमिफाइनलमा स्थान बनाउन सफल भएको छ ।
ब्राजिलको माने गारिन्चा फुटबल मैदानमा आइतबार बिहान भएको खेल गोल रहित बराबरीमा सकिएपछि विजेताको टुङ्गो पेनाल्टी सुट आउटबाट लिइएको हो ।
पेनाल्टीमा उरुग्वेका इडिन्सन काभानी र लुइस स्वारेजले गोल गर्दा जोसे गिमिनेज र म्याथिस् भिनाले भने गोल गर्न सकेनन् ।
कोलम्बियाको डुभान जापाटा, डाभिन्सन सान्चेज, यारी मिना र मिगुइल ब्रोजाले गोल गर्दै टोलीलाई सेमिफाइनल पुर्याए ।
कोलम्बियाले सेमिफाइनलमा अर्जेन्टिना र इक्वेडरबीचको विजेतासँग प्रतिस्पर्धा गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।