नारायण-मुग्लिङ सडकखण्ड दुवैतर्फी सञ्चालनमा आएको छ । चितवनको इच्छाकामना गाउँपालिका-६ कालीखोला नजिकै चेपाङडाँडामा पहिरो खसेसँगै सोमबार बिहानदेखि सडक अवरुद्ध भएको थियो ।
अवरुद्ध सडक सोमबार बेलुका ७ः३० बजेदेखि एकतर्फी रूपमा सञ्चालनमा आएको थियो । आज (मंगलबार) बिहान साढे सात बजेतिर पहिरो हटाएसँगै दुईतर्फी सञ्चालनमा आएको जिल्ला प्रहरी कार्यालय चितवनले जनाएको छ ।
मनसुन सक्रिय भएसँगै चारकिलो, पाँचकिलो, सेतीदोभान लगायतका स्थानमा पहिरो खस्दा नारायणगण-मुग्लिङ सडकखण्ड अवरुद्ध हुँदै आइरहेको छ ।
ट्राफिक नियमको पालना गरी सवारी साधन चलाउन प्रहरीले अनुरोध गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।