बलिउड अभिनेता शाहरुख खानका छोरा आर्यन खानको मुद्दामाथि छैटौं पटकको सुनुवाइ भएको छ। बुधबार भएको छैटौं पटकको सुनुवाइमा पनि आर्यनलाई जमानत दिन मुम्बईको एनडिपिएस अदालतले अस्वीकार गरेको छ ।
मुम्बईको आर्थर रोड जेलमा रहेका आर्यनलाई ड्रग्स किनेको र सेवन गरेको आरोपमा एनसिबीले मुम्बईको एक क्रुज पार्टीबाट गिरफ्तार गरेको हो । उनीसँगै मुनमुन धमीचा र अरबाज मर्चेन्ट पनि पक्राउ परेका थिए । अदालतले धमिचा र मर्चेन्टको जमानतको आग्रहलाई पनि खारेज गरेको छ ।
यो खारेजीसँगै आर्यन अझै केही दिन जेलमा नै रहनेछन् । अब उनको जमानतका लागि मुम्बईको उच्च अदालतमा निवेदन दिने आर्यनका वकिलले बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
