नर्वेजियन युवा फरवार्ड एर्लिङ ब्राउट हालान्डले जर्मन बुन्डेस लिगामा सबैभन्दा कम उमेरमा ५० गोल गर्ने कीर्तिमान बनाएका छन् ।
वल्फ्सवर्गमाथि ३-१ को पुनरागमन जित निकालेको खेलमा एक गोल गरेपछि हालान्ड बुन्डेस लिगामा ५० गोल पूरा गर्ने सबैभन्दा कान्छो खेलाडी बनेका हुन् ।
२१ वर्ष १२९ दिनको उमेरमा यो कीर्तिमान मान कायम गर्ने क्रममा हालान्डले ५० खेल लगाए ।
सन् २०१९/२० को ट्रान्फर विन्डोमा अस्ट्रियन क्लब आरबी साल्जबर्गबाट बेरुसिया डर्टमण्ड आएका थिए ।
बुन्डेस लिगाको पहिलो सिजन १५ खेलमा १३, दोस्रो सिजन २८ खेलमा २७ गोल गरेका हाल्यान्डले जारी सिजनको ७ खेलमा १० गोल गरिसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
