न्याय सेवा आयोगको बैठक स्थगित गरिएको छ । प्रधानन्यायाधीश चोलेन्द्र शम्शेर जबराले बुधबार दिउसो ३ः३० बजेका लागि बोलाएको आयोगको बैठक स्थगित भएको हो ।
आयोगका सदस्यसमेत रहेका लोकसेवा आयोग अध्यक्ष काठमाडाैंबाहिर रहेकाले बैठक स्थगित गरिएको न्याय परिषद् सचिवालयका प्रवक्ता मानबहादुर कार्कीले बताए । बैठकका लागि अर्को मिति भने तोकिएको छैन ।
गत साउनमा लिइएको जिल्ला न्यायाधीशको परीक्षाको नतिजा प्रकाशन तथा अन्तर्वार्ताको मिति तोक्नेलगायतका विषय राखेर प्रधानन्यायाधीश जबराले बैठक डाकेका थिए ।
प्रधानन्यायाधीशको नेतृत्वमा रहेको न्याय सेवा आयोगमा वरिष्ठतम् न्यायाधीश (दीपककुमार कार्की), कानुन न्याय तथा संसदीय मामिलामन्त्री (दिलेन्द्र बडू), महान्यायाधिवक्ता (खम्मबहादुर खाती) र लोकसेवा आयोगका अध्यक्ष (माधवप्रसाद रेग्मी) सदस्य छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।