प्रधानमन्त्री कप राष्ट्रिय महिला क्रिकेट प्रतियोगितामा विभागीय टाेली एपिएफले लगातार तेस्रो जित निकाल्ने क्रममा बिहीबार गण्डकी प्रदेशलाई ११७ रनले पराजित गरेकाे छ ।
याे जितसँगै समूह 'बी'बाट विजेताका रूपमा सेमिफाइनल प्रवेश गरेकाे छ ।
त्यस्तै याे समूहबाट सुदूरपश्चिमले उपविजेताका रूपमा सेमिफाइनलमा स्थान बनायाे ।
१५१ रनकाे विजयी लक्ष्य पछ्याएकाे गण्डकीले २० ओभर नै ब्याटिङ गरे पनि ७ विकेट गुमाउँदै ३३ रन मात्र बनाउन सक्याे ।
गण्डकीका लागि कुनै पनि ब्याटरले दाेहाेराे अंकमा रन जाेड्न सकेनन् । उसका लागि कप्तान शीला क्षेत्रीले सर्वाधिक ८ रनकाे याेगदान दिइन् ।
एपिएफका लागि करूणा भण्डारी र सुष्मा श्रेष्ठले २/२ तथा साेनु खड्का, सुमन विष्ट र कप्तान सीता रानामगरले १/१ विकेट हात पारे ।
यसअघि धनगढीस्थित फाप्ला क्रिकेट मैदानमा टस जितेर ब्याटिङ राेजेकाे एपिएफले निर्धारित २० ओभरमा ४ विकेट गुमाउँदै १५० रन बनाएको थियो ।
एपिएफका लागि ममता चाैधरीले सर्वाधिक ४३ रनकाे याेगदान दिइन् । ३० बलकाे सामना गरेकी उनले ६ चाैका प्रहार गरिन् ।
सरिता मगर २६ रनमा अविजित रहँदा राेमा थापाले पनि २६ रन नै बनाइन् ।
गण्डकीका लागि मनिषा उपाध्यायले १ विकेट हात पार्दा ३ विकेट रन आउटका रूपमा प्राप्त भयाे ।
याेसँगै ३ खेलमा शतप्रतिशत जित हात पारेकाे एपिएफले ६ अंक जाेड्दा तीनै पराजय बेहाेरेकाे गण्डकी अंकविहीन बन्दै प्रतियाेगिताबाट बाहिरिएकाे छ ।
सेमिफाइनलमा एपीएफले लुम्बिनी र सुदूरपश्चिमले प्रदेश १ काे सामना गर्नेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।