केही दिनयता व्यापारिक घराना बतास अर्गनाइजेसन विवादको शिखरमा छ । नारायणहिटी दरबार संग्रहालयमा प्रतिमहिना २ लाख २१ हजार भाडा दिनेगरी रेस्टुरेन्ट बनाइरहेको थाहा पाएपछि बतास अर्गनाइजेसन विवादमा परेको हो ।
साथै, बतास अर्गनाइजेसनसँग सम्झौता गर्ने तत्कालिन केपी शर्मा ओलीको पनि आलोचना भइरहेको छ । यो संस्थामा वर्तमान प्रधानमन्त्री शेरबहादुर देउवा पत्नी आरजु राणा देउवाको पनि संलग्नता भेटिएपछि अहिलेको सरकार पनि आलोचनाबाट मुक्त हुन सकेन ।
बतास समूहअन्तर्गत बतास फाउण्डेसनको एडभाइजरमा आरजु रहेको पाइएपछि विवादास्पद काममा वर्तमान सरकारको पनि तीव्र आलोचना भइरहेको हो ।
यसैबीच, कलाकार दीपकराज गिरीले यो विषयमा व्यंग्यात्मक टिप्पणी गरेका छन् ।
उनले सामाजिक सञ्जालमार्फत् ‘बतास काण्ड’ लाई लिएर लेखेका छन्, ‘ओलीका पालामा हिट गीत– यति चोखो यति मिठो, देउवाको पालाको हिट गीत– चल बतास चल चल अझै बेगले चल ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।