उपत्यकाका थप ६१७२ जनामा कोरोना पुष्टि, देशभर ८८ हजार सक्रिय संक्रमित
फरकधार / ११ माघ, २०७८
फाइल तस्वीर

पछिल्लो २४ घण्टामा काठमाडौं उपत्यकामा ६ हजार १७२ जनामा कोरोना भाइरसको संक्रमण पुष्टि भएको छ । यो आज देशभर थपिएका कोरोना संक्रमितको कुल संख्याको आधाभन्दा धेरै हो ।



स्वास्थ्य तथा जनसंख्या मन्त्रालयका अनुसार आज देशभर २५ हजार ९०९ नमुनाको पीसीआर तथा एन्टिजेन विधिबाट परीक्षण गर्दा १२ हजार ८ जनामा कोरोना पुष्टि भएको छ ।

काठमाडौंमा ४ हजार ८७५, ललितपुरमा ७८२ तथा भक्तपुरमा ५१५ जना संक्रमित थपिएको मन्त्रालयको तथ्यांक छ । त्यस्तै, काठमाडौं उपत्यकामा सक्रिय संक्रमितको संख्या पनि बढ्दै गएको छ ।



काठमाडौंमा ४१ हजार ६३३, ललितपुरमा ९ हजार ६६८ तथा भक्तपुरमा ५ हजार ५८१ जना सक्रिय संक्रमित रहेको मन्त्रालयले जनाएको छ । देशभर ८८ हजार ९३४ जना सक्रिय संक्रमित रहेका छन् ।



आज ३ हजार ४० जना निको भएका छन् । योसँगै कोरोनामुक्त हुनेको संख्या ८ लाख २७ हजार २७९ पुगेको छ ।

त्यस्तै कोरोनाबाट आज ८ जनाले ज्यान गुमाएका छन् । अहिलेसम्म ११ हजार ६६७ जनाको कोरोना संक्रमणबाट ज्यान गएको मन्त्रालयको तथ्यांक छ ।

  • प्रकाशित मिति : माघ ११, २०७८ मंगलबार १७:१:१६,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया